اكثر قصيدة محزنهه (البارحة ياحسين)

قصيدة محزنه جدا عن رجل مضيع طيرة

البارحه ياحسين مركاي كوعي
من العشاء لين اذن الفجر ياحسين
مغير اسلي خاطري بالدموعي
مثل الذي من يقضي الدين بالدين
كل السبب طيري حسيييين الطبوعي
النادر اللي شوفته تطرب العين
اللي لايمن نهمته فزوعي
مثل الشجاع لانهموه القريبين
قمت اتذكر تلته للطلوعي
بخدً قنصنا به حروات اسبوعي
مادري ثمان ايام ماهن اسبوعي
لاشك كنهن يابن الاجواد يومين
وفي تالي المقناص يوم الربوعي
اثر العهد به راح يلوا الجناحين
اقفى ورا خربن مصقر جزوعي
متذيرن وواقفت من عقب طيرين
وسقنا معاهن وسط خدً منوعي
اقفن شمال ومبعداتن عن العين
الخرب صامل والنداوي قطوعي
حال الوعر من دونهن وشعيبين
وقفت ادربل مير مامن سنوعي
قالو جهاز الطير مانسمعه زين
وقفت في كل رجمً وكل رجمً رفوعي
ارقا والوح وادبل الصوت صوتين
ماقصرواا وقت المنافع ربوعي
واخذت في جو القطا نهارين
لاشك طيري مانوا للرجوعي
وانا بعد حدرت يم البلادين
ماكان ودي ان المفارق فجوعي
ياليته مودعني سوات المحبين
الله يلوم الطير بعده يلوعي
خلاني اسهر والمخاليق ممسين
عساه يسلم من يدين الطموعي
اللي على النشاد يخفي البراهين
ولا الرجال اللي تعرف السنوعي
تلقى على حجله مع الزبد رقمين
ولا عساه من ناازيات التلوعي
ورزقه على اللي خالق الناس ممطين
ومماجرا ياحسين قلبي قنوعي
لو كان عقبه صاير مشين

الردود ياناس

» تكتسر باك ماين كرافــــت اكثر واقعـــيــه